八番麵工房 Deluxe (已結業)

🌽上次出咗札幌牛油粟米拉麵嘅食評之後，好想好想再食牛油粟米拉麵。上網搵到呢間有55年歷史嘅日本過江龍拉麵店，趁平日下午茶時間少啲人排隊即刻試一試！滿足下心癮，過下口癮！🍜牛油北海道帶子粟米拉麵（$88）：湯底味偏清淡。有塊半溶牛油，搭配粟米粒及三件北海道出產嘅帶子。每件帶子都有足足匙羹咁大，鮮甜肉厚，肉質彈牙。都幾新鮮。麵質同一般嘅拉麵有啲分別，口感比較鬆軟。🍛極上燒汁海鮮丼 配麵豉湯（$138）：顏色豐富，賣相幾吸引。海鮮包括：北海道帶子、燒三文魚、烤鰻魚，以及魷魚。灑上蔥花，更加色彩奪目。另配麵豉湯，套餐完成。🥢北海道帶子一串兩件（$42）：巨型帶子個頭，鮮甜肉厚，肉質彈牙新鮮。👌🏻整體而言：1. 座位都舒適，慢慢食傾下計唔錯～2. 茶市套餐抵食。3. 過下口癮都ok。八番麵工房 Deluxe 地址：上水龍琛路39號上水廣場5樓511號舖電話：39969719營業時間：07:30-22:00#香港食好西 #拉麵 #香港 #野生代言人 #上水 #日式 #八番麵工房 #龍琛路 #上水廣場