影片
更多
2025-01-27
0 瀏覽
聽講呢間啲串燒幾有特色，鍾意食串串嘅我哋一定要嚟吓依間人氣串燒店 - ⭐️燒烤堂⭐️張點菜紙密密麻麻，有成過百串串燒揀😯有八種風味，有日，泰，港，川，西，新疆，韓味&自家制(堂)，搞到我樣樣都想試😋我哋兩個人總共嗌咗21串/份嘢食，食到抱住個肚走😂 因為師傅拿捏熟嘅程度掌握得啱啱好，真心真係樣樣都好好食！特別係我推介嘅下面呢10樣！👍焦糖青蘋果鵝肝多士(西)$108有厚又滑又香嘅鵝肝，中間夾住一塊又甜又脆嘅蘋果，底層仲有塊香脆嘅法包，一啖食哂三種口感，滑、脆、爽！好好食😋👍蒜蓉燒生蠔(兩隻)(港)$48即叫即燒，生蠔新鮮，又甜，而且唔會縮水！抵食！👍鹽燒原塊雞皮(堂)$22第一次食到咁正嘅雞皮，又脆又香又乾身，食一塊都唔夠，脆過薯片，送啤酒一流。👍尖椒皮蛋燒豆皮(堂，微辣)$22呢個組合好特別，尖椒皮蛋就食得多啦，加埋豆皮食落去又估唔到咁夾喎，辣辣地，好正！👍豚肉節瓜波板糖(附月見)(堂)$38賣相又靚，又可愛嘅波板糖，一啖食落去覺得又Juicy又滑，再點埋可生食日本雞蛋黃&甜醬汁，食落去味道更加香更加滑，令人食指大動！👍蜜糖燒菠蘿(港)$18燒菠蘿一串有四大粒，又Juicy又甜，係肉串燒
張點菜紙密密麻麻，有成過百串串燒揀😯
有八種風味，有日，泰，港，川，西，新疆，韓味&自家制(堂)，搞到我樣樣都想試😋
我哋兩個人總共嗌咗21串/份嘢食，食到抱住個肚走😂 因為師傅拿捏熟嘅程度掌握得啱啱好，真心真係樣樣都好好食！特別係我推介嘅下面呢10樣！
👍焦糖青蘋果鵝肝多士(西)$108
有厚又滑又香嘅鵝肝，中間夾住一塊又甜又脆嘅蘋果，底層仲有塊香脆嘅法包，一啖食哂三種口感，滑、脆、爽！好好食😋
👍蒜蓉燒生蠔(兩隻)(港)$48
即叫即燒，生蠔新鮮，又甜，而且唔會縮水！抵食！
👍鹽燒原塊雞皮(堂)$22
第一次食到咁正嘅雞皮，又脆又香又乾身，食一塊都唔夠，脆過薯片，送啤酒一流。
👍尖椒皮蛋燒豆皮(堂，微辣)$22
呢個組合好特別，尖椒皮蛋就食得多啦，加埋豆皮食落去又估唔到咁夾喎，辣辣地，好正！
👍豚肉節瓜波板糖(附月見)(堂)$38
賣相又靚，又可愛嘅波板糖，一啖食落去覺得又Juicy又滑，再點埋可生食日本雞蛋黃&甜醬汁，食落去味道更加香更加滑，令人食指大動！
👍蜜糖燒菠蘿(港)$18
燒菠蘿一串有四大粒，又Juicy又甜，係肉串燒嘅最佳拍檔！
👍甜奶牛油包（港）$18
個包望落去平平無奇，但係食落去好邪惡，因為有牛油同埋煉奶，個包呢仲烘到好脆添！真係好好食！
👍鹽燒翠玉瓜(港)$16
翠玉瓜燒得啱啱好，好Juicy！
👍明太子雞腿肉(日)$28
明太子唔會太鹹，配埋雞腿肉一齊食好日式，好好食！
👍秘製燒羊架(疆)$48
羊架唔膻，又嫩又Juicy，燒得啱啱好！
其餘嘅串燒我都好推薦，肉串嘅好Juicy唔乾，肉質唔會嚡，而且味道有多種風格配搭，唔會食嚟食去都係同一種味，而且師傅個手勢同火候都處理得好好！唔怪得開到咁多間分店，同埋我嗰日食嘅時候，係成間舖頭都係滿座，Walk in嘅客人要去到九點之後先可能有位。
🌟韓式燒惹味牛肋肉（韓）$28
🌟福岡味增松板豬 （日)$28
🌟鹽燒豬肋肉（稀有部位)(日)$24
🌟孜然豚肉莞茜卷(疆)$22
🌟麻辣墨魚鬚 （川)$22
🌟焦糖鰻魚芝士玉子燒(日)$28
🌟汁燒赤雞心(日)$22
🌟鹽燒雞軟骨(日)$18
🌟桂花蜜糖本地蕃茄(西)$28
🌟牛油蜜糖日本番薯薯條(堂)$38
🌟麻辣秋葵(川)$16
🥤柑橘咸檸梳打$28
🥤即打菠蘿乳酸$28
值得一提嘅係，員工反應非常之快，我哋一跌咗對筷子落地下，佢即刻攞對新嘅俾我哋，佢對員工培訓非常優秀。值得一讚。
張貼
