八章軍 (啟岸) (已結業)

聽講過啟岸呢條日本街好耐，自上次食完串燒店後都無再黎過，朋友潮童話有間章魚丸子好好食，咁就去試吓。條日本街真係幾有風味，仲要有好多日本風文青咖啡店、拉麵店、小食店等等，係紅磡黎講，都幾有特色。五點幾黎到，好彩無乜人排隊，點了個雙拼章魚丸，食完當自己去左日本。眾多口味中，店方推薦有原味、蜜糖芥茉、明太子，我選了明太子，又真係幾好，唔會係好濃味嘅明太子醬，食完唔會太飽。其他仲有好多隻味都幾吸引，芝士粟米青蔥我都想食，我點了黑松露章軍，黑松露味好香，入味嘅章魚肉勁大粒，而且個軟硬度好煙韌，又唔係太大粒，有機會嚟紅磡掃下街就可以試下。