必勝客至Hot外送速遞 (非門市)

營業中

休息中

由於今日八號風球吹襲，所以我們夜晚叫咗「必勝客至Hot外送速遞」返屋企食！上次食過覺得幾好幾抵食，所以今次我們再叫咗呢個信用卡優惠4-5人套餐！今次我們選擇咗另一款飛魚籽三文忌廉芝脆批烤鷄盛薈嘅材料相當豐富，舖面晒整個批面，但就好似無咗餐牌上寫嘅火箭菜，辣肉腸唔會太乾太硬，但味道就比較鹹，烤鷄肉嘅肉質都幾軟滑！意式鷄皇意粉嘅鷄肉份量都幾多，醬汁好香濃，而且相當稠身！蘑菇肉腸焗飯嘅肉腸係切成一片片，蘑菇好軟滑，米飯十算軟熟！蘑菇忌廉鷄湯今次比已往咁多次好，因湯料都幾多，之前係超細粒嘅鷄粒，細到唔多覺咁，但今次係粗身嘅鷄肉絲，而且湯底亦幾香滑濃郁！