文記傳統車仔麵茶餐廳 (已結業)

由中學開始幫襯牛下，到依家返工幫襯舖頭，少說十多年了，最愛係佢煎釀三寶入面嘅炸魚蛋，外脆內煙韌，調味又好（但個人認為可以唔落豉油同鹽）今日因為8號風球早收工，想食少少野先返屋企嘅關係，所以就幫襯下文記喇好欣賞佢嘅雞翼每次都咁大隻，唔會好似有啲舖頭好細隻，仲要無乜肉咁。但今次嘅牛栢葉令我有D 失望……之前一直食親都又厚又大舊…今日縮左水之餘，得3舊，仲要其中2舊勁細舊…張相最上嗰舊已經係最大的了，盛惠$9… 係有D 失望，但希望下次再食嘅時候，會回復返往日水準，今次只係突發意外P.S. 今日好好彩飲到佢送嘅豆漿，平日黎親都送曬的了！