影片
更多
2011-05-26
40 瀏覽
家裡有人即興想食片皮鴨，係行行下街之中，最近亦肯定有得食，就只有這裡。係港島區，祥記既片皮鴨係我不二之選，今次確係即興，黎唔切訂祥記，又試試這裡。片皮鴨有餐，係片皮鴨加幾個餸，有魚有肉，入座之時係八點半之後仲有折，幾抵，就要個餐，另點一幾款小菜，都應該夠飽了。頭盤另點了四小碟，有燒肉，素鵝，海哲同肴肉。燒肉都幾鞋下，帶點肥，個皮就較為硬；素鵝皮夠脆，不過幾油，餡唔係太多，d餡多d應該會更好吃；海哲爽爽的，麻油味也夠香，都幾好食；肴肉就雪得硬硬地，四款入面最唔討好既一款。片皮鴨，一味兩食，一碟肉，剩返的去用豆豉炆。先食肉，賣相真係唔合格，我寧願佢推埋一堆，都好過而家咁樣一忽忽，刀功都係一般，有部份明顯係勁大舊。鵝本身反而唔錯，夠乾身，食落都叫做鬆化。另一味，係豆豉炆鴨架，豆鼓係碟野既靈魂，豆鼓無咩味，攪到碟野無咩好食，唔做好個做既第二味。跟餐既仲有川椒炒蝦仁，蝦都幾大隻，有點意外既係幾鮮爽；仲有條蒸魚，唔多識食魚，只可以講夠滑，同埋有酒家應該有既蒸魚火喉。另點左個醬燒骨，炆得夠腍，濃濃既汁，幾香口；竹笙齋，最好的係無做太多調味，夠清淡，這味係清淡既好。個餐埋尾有個伊麵，油油膩膩，同埋太腍
頭盤另點了四小碟，有燒肉，素鵝，海哲同肴肉。燒肉都幾鞋下，帶點肥，個皮就較為硬；素鵝皮夠脆，不過幾油，餡唔係太多，d餡多d應該會更好吃；海哲爽爽的，麻油味也夠香，都幾好食；肴肉就雪得硬硬地，四款入面最唔討好既一款。
片皮鴨，一味兩食，一碟肉，剩返的去用豆豉炆。先食肉，賣相真係唔合格，我寧願佢推埋一堆，都好過而家咁樣一忽忽，刀功都係一般，有部份明顯係勁大舊。鵝本身反而唔錯，夠乾身，食落都叫做鬆化。
另一味，係豆豉炆鴨架，豆鼓係碟野既靈魂，豆鼓無咩味，攪到碟野無咩好食，唔做好個做既第二味。
跟餐既仲有川椒炒蝦仁，蝦都幾大隻，有點意外既係幾鮮爽；仲有條蒸魚，唔多識食魚，只可以講夠滑，同埋有酒家應該有既蒸魚火喉。
另點左個醬燒骨，炆得夠腍，濃濃既汁，幾香口；竹笙齋，最好的係無做太多調味，夠清淡，這味係清淡既好。
個餐埋尾有個伊麵，油油膩膩，同埋太腍，個人鐘意干身點既伊麵。仲有壽包，係蓮蓉蛋黃餡，夠大過，不過都真係太飽，要打包。
整體黎講，片皮鴨敗筆係賣相同刀功，其他食物既水準就普普通通。服務有點over左，侍應經理每次行過就埋黎睇下張單，其實都真係幾騷擾。埋單有七折，都叫做唔貴。不過下次想食片皮鴨都係唔好咁即興。
張貼
