公主 (已結業)

今日幫好姊妹慶祝搵到工 帶佢嚟靚靚公主cafe 由環境 餐牌設計 食物款式 到老闆姐姐都好靚！回家google 先知老闆原本係設計師 係好注重視覺美感同係特別仔細嘅人... 每杯清水除了檸檬 還加了清香的薄荷葉頭盤係北海道帶子刺身 為配合主題 旁邊有好多貝殼做裝飾 舖喺底嘅係海鹽 侍應哥哥提醒 唔好食太多 因為好鹹 XD 其實帶子本身已經好夠鮮味 唔洗加鹽～～ 帶子係半生熟的 但又煎香咗外層 廚師真係control得好好！帶子面頭有菜脯同中國臘腸絲吊味 底下又有粟米蓉 好創新 但又出奇地夾！主菜係海膽煙肉藜麥幼蛋麵... 上檯先知 原來有咁多魚子！！！海膽係日本靚海膽 甜到漏～～ 佢唔係一pat放喺面 而係攪成汁同麵撈埋一齊 煙肉切得好細粒 令整碟麵的味道更加均勻最後 甜品有非常受歡迎嘅朱古力熊啤啤 熊啤啤係dark chocoloate加薑汁味嘅慕斯！樹幹面用咗硬的dark chocoloate 切開係蛋白味 texture軟一點.... 熊啤啤後面有一球荔雪葩 有果肉的！雪地係烤過的蛋白泡泡... 整體而言 是一道經過特別設計 好睇好食的甜品！