大家樂 (已結業)

星期六下午陪朋友嚟左大家樂食下午茶,朋友話好想食公司三文治,但係水牌係冇架,不過問收銀員又話有喎,好奇怪,點解唔整出嚟係水牌度呢? 朋友飲紅豆冰,另外我叫左一杯凍檸水,等左一陣顧住傾計,原來已經可以出去攞啦,唔知係咪遲左少少呢,所以上面的薯片已經淋左少少,唔脆啦,第二間快餐店係跟薯條的,公司三文治有四件,入面其實都好足料的,都好香好味的,不過可能真係耐左所以淋身晒啦,入面有沙律醬,雞蛋,火腿,生菜絲....其實佢切到好唔齊整,D麵包皮都切得唔乾淨,有點求其喎.飲品非常夠凍呀,我的凍檸水超多冰超凍,GOOD.