影片
更多
2013-12-24
6138 瀏覽
上星期五過左City Art Restaurant做冬同食埋聖誕飯，好開心，聖誕節前公司請我地食好野~~ 多謝阿Cat幫我地book位，我地一行12人放左工6:00準時去到餐廳，已經有職員安排好座位俾我地，咁梗係睇下個menu先啦。我估order完可能都需要等，所以我地先叫左前菜，咁多人每樣都叫左先，多d人可以試多d野食，之後輪流出去拎生蠔喇，好彩我地都算早黎，唔使排隊拎生蠔。D生蠔真係隻隻都好大隻，而且味道夠清甜，感覺好新鮮，真係要讚一讚！我一拎就拎左6隻同我同事share，我地都好鍾意食生蠔，之後又再拎多左一轉，抵返哂。好快前菜被端上黎，個員工好勁，單手可以拎到5碟食物，每一碟都好精緻，五顏六色，只係賣相都好吸引喇。我最記得既係牛油果沙律 (中間)，入面有細細粒既蟹肉、牛油果同芒果咁既，食落去完全感受到佢既粒粒口感，芒果甜甜地配搭本身冇咩味道既牛油果認真一流。生牛肉薄片吸收哂d辣汁，辣辣地。意大利雲吞入面有好香松露味道，個皮好薄，包住哂雞肉餡料，一口一淡，食完都仲回味松露既香氣。我俾「燒鹿肉」個名吸引住，因為係出面既餐廳好少食到，既然任點任食，就點都試下，可能燒得太過熟，感覺有d韌
我估order完可能都需要等，所以我地先叫左前菜，咁多人每樣都叫左先，多d人可以試多d野食，之後輪流出去拎生蠔喇，好彩我地都算早黎，唔使排隊拎生蠔。D生蠔真係隻隻都好大隻，而且味道夠清甜，感覺好新鮮，真係要讚一讚！我一拎就拎左6隻同我同事share，我地都好鍾意食生蠔，之後又再拎多左一轉，抵返哂。
好快前菜被端上黎，個員工好勁，單手可以拎到5碟食物，每一碟都好精緻，五顏六色，只係賣相都好吸引喇。我最記得既係牛油果沙律 (中間)，入面有細細粒既蟹肉、牛油果同芒果咁既，食落去完全感受到佢既粒粒口感，芒果甜甜地配搭本身冇咩味道既牛油果認真一流。生牛肉薄片吸收哂d辣汁，辣辣地。
意大利雲吞入面有好香松露味道，個皮好薄，包住哂雞肉餡料，一口一淡，食完都仲回味松露既香氣。
我俾「燒鹿肉」個名吸引住，因為係出面既餐廳好少食到，既然任點任食，就點都試下，可能燒得太過熟，感覺有d韌，反而食唔到原本既味，如果可以soft d就好喇。
老虎蝦意粉有d乾，但勝在老虎蝦都幾大隻同香口。
最後當然唔少得雪糕啦，自助餐必食甜品！
好豐富，下次gathering都可以黎試下。
張貼
