真味鮮廚

營業中

休息中

是日上午開會，老闆中午設宴款待各同事，所以今日有免費午餐吃，在真味訂左2圍。8餸1湯，$1598/圍，都幾抵食。有乳豬全體、蝦球伊麵、帶子炒花枝、清蒸雙班、燒鵝王、陳皮蒸鮑魚、絲瓜浸魚腐、花膠雞腳螺頭湯、特大壽包。乳豬、燒鵝一向都係真味拿手之作，雖然今次兩樣都有啲肥左少少，但乳豬仍然鬆化，皮脆肉嫩，燒鵝依舊甘香。而蝦球伊麵啲蝦又大又爽口，啲麵吸收左蝦汁仲好味道。帶子炒花枝雖然清清地但夠晒大碟。蒸雙班雖然細條啲，但比蒸一大條魚滑得多。鮑魚就好香陳皮味，爽脆彈牙。花膠湯每人都有2-3舊花膠仔同螺頭，算落足料。絲瓜魚腐就一般啦，因為已經飽，無乜點食。最後仲有特大壽包，吃埋大滿足。