喜悅海鮮皇宮 (已結業)

今日，公司慶祝同事生日。叫咗 9 個點心： 鮮竹牛肉球(小點) - 回復之前係嘅 3 大粒，唔知係咪俾食客投訴過？ 蜜汁义燒腸(大點) - 腸粉半透明，又軟滑，义燒又夠多！ 沙律海鮮卷(大點) - 皮脆卜卜，有爽口大蝦、蟹柳、芒果。 蠔皇西生菜(頂點) - 除左有蠔油之外，仲有豉油。不過，今次碟菜好油。 蠔皇灼芥蘭(頂點) - 見到咁粗嘅芥蘭莖，以為好硬！食落幾腍又夠甜。 柑桔蜜燻煙鴨胸(味點) - 鴨胸幾腍唔會韌，好肥、勁多油，簡直係油浸！ 蒜香雞軟骨 - 雞軟骨&腰果炸得夠脆！只係乾咗少少！ 蜜糖雞翼 - 比較乾身，缺乏蜜糖汁；總算夠入味！ 宮廷桂花糕 - 好細件，桂花有淡淡清香，夠清甜，以大菜糕做夠挺身。