影片
更多
2008-02-20
7 瀏覽
名為開年飯, 實質是小女子的個人意願而已, 志在大家一班主內(+公司內)的家人一起吃個飯~所以食物質素其次, 大家開心第一D點心都唔錯喎! 不過對於小籠包感到有一點點的意外, 因為食親都係5隻或10隻上, 所以今餐見到係3隻有些許的意外. 食0左粒, 因為放涼了的關係, 皮的外層已經硬了, 湯汁欠奉, 吃到的也就只有那一點點的肉汁吧? 肉餡很少亦很散, 包頂位用皮太多太厚了點. 小籠包唔得.亦試0左個爆醬奶黃包, 名字不太好聽, 好似坊間咁叫返流沙咪幾好...醬也爆得對辦, 奶皇很流質! CUSTARD都幾夠, 蛋黃亦下得足, 只係...好像甜了點. 流沙奶黃餡整體對辦! 然而, 個人認為包的部分用返白色會好睇D, 因為在顏色上白色跟奶黃的黃色會較配合, 在奶黃"爆"出來的那一刻跟包的白色有種突出的效果. 現在城軒用了橙橙黃黃的, 顏色對比變得少了, 我覺得若然佢真係想用黃色來代表呢個係奶黃包, 用返隻鮮一點的黃會好看一點, 這橙黃我覺得帶了點曖昧.腸粉皮是煙韌的, 細嚼下覺得有點像糯米皮...蝦腸的蝦真係好細隻...粉皮包得太多...令整件蝦腸粉多過蝦...其實若然佢真係俾隻咁細0既
D點心都唔錯喎! 不過對於小籠包感到有一點點的意外, 因為食親都係5隻或10隻上, 所以今餐見到係3隻有些許的意外. 食0左粒, 因為放涼了的關係, 皮的外層已經硬了, 湯汁欠奉, 吃到的也就只有那一點點的肉汁吧? 肉餡很少亦很散, 包頂位用皮太多太厚了點. 小籠包唔得.
亦試0左個爆醬奶黃包, 名字不太好聽, 好似坊間咁叫返流沙咪幾好...醬也爆得對辦, 奶皇很流質! CUSTARD都幾夠, 蛋黃亦下得足, 只係...好像甜了點. 流沙奶黃餡整體對辦! 然而, 個人認為包的部分用返白色會好睇D, 因為在顏色上白色跟奶黃的黃色會較配合, 在奶黃"爆"出來的那一刻跟包的白色有種突出的效果. 現在城軒用了橙橙黃黃的, 顏色對比變得少了, 我覺得若然佢真係想用黃色來代表呢個係奶黃包, 用返隻鮮一點的黃會好看一點, 這橙黃我覺得帶了點曖昧.
腸粉皮是煙韌的, 細嚼下覺得有點像糯米皮...蝦腸的蝦真係好細隻...粉皮包得太多...令整件蝦腸粉多過蝦...其實若然佢真係俾隻咁細0既蝦, 用0既皮薄返D好D. 煎薄的外邊和底都煎得脆, 可惜粉太多了, 中間食落有點漿口.
檔位小食要0左咖哩豬皮蘿蔔魚蛋, 試0左個蘿蔔, 個咖哩汁好鹹! 咖哩的香和辣都很弱. 仲有個雜菌玉子豆腐, 芡汁都幾杰下. 呢2樣都好涼囉...
瑤柱蛋白薑炒飯, 賣相OK, 但食落又好似唔夠芥蘭KWAN咁喎. 或者歸咎於近日芥蘭賣得真係好貴, 十幾蚊一斤, 碟飯都只係賣30蚊, 成本關係唔落得太多吧...? 其實用西蘭花"KWAN"都得0丫...都帶得出果個效果. 飯身唔夠乾, 以炒飯0黎講飯也腍身了點, 自然地未能炒到粒粒分明的效果.
滑蛋蝦仁帶子河粉, 滑蛋芡未算太稠身, 至少比起南丫島那碟沙嗲牛肉炒麵的芡來得薄, 合格. 但個河粉真係呢...河粉太腍身好易斷, 炒得好碎, 樣子唔夠白淨, 係D油0既問題定係D粉0既問題? 蝦也算爽但欠蝦味.
杞子圓肉桂花糕, 好夠彈!! 我唔小心跌0左佢落張檯度, 真係彈彈彈先停O_O 食落好JELLY. 桂花的清幽味未算突出.
環境唔錯, 唔太嘈, 我地坐在大窗旁的大檯, 最衰個景係地盤...光禿禿的斜坡欠缺美感...衛生都唔錯~!
想平平地飲個茶又唔想去彩龍之類的茶樓, 城軒有得諗0既~ ; )
其餘相片可見於本人之FACEBOOK
P.S. 席間爆響口自己有0係呢度留下COMMENT同其他食家交流下...無辦法啦, 食飯時影相呢種行為對其他人來說始終都是有點怪異的...唯有對佢地講出原因... 講完以後再在席上影飯相, 應該都較易被接納了吧~
張貼
