福翁海鮮薈 (已結業)

新嘅一年，公司請我哋同事食番餐，我哋揀左食中菜，所以去左福翁訂左2圍。聽講福翁嘅海鮮好出色，咁就唔好同老板客氣，主打食海鮮喇！龍蝦伊面，炸鮑魚相當有水準，嗰條魚好大但師傅蒸得好好，冇過火，剛離骨，正，沙窩雲吞鷄好味，鷄嫩滑，同事仲搶食曬，有驚喜！其他菜式都好味，唔知係咪前面食得太飽，後上嘅菜就要打包，真係又食又拎（益嘛屋企人）！今晚全包宴都係5千蚊，CP值高，希望公司開年飯再係喥食，到時再倔老板食好d，😂😂😂。