證券商協會會所

營業中

休息中

是夜係公司週年飯慶祝，最近生意不錯，老闆請大家到<證券商協會會所>吃白汁魚翅。白汁魚翅湯底極為濃郁，鮮甜味出眾，魚翅分量好多，用筷子夾起魚翅係一梳梳，好似食麵咁食，魚翅嘅粗幼度適中，煮得好滑，伴上金華火腿片，味帶鹹香，更加美味。東星斑非常之大條，肉質非常新鮮嫩滑，新鮮靚魚，簡簡單單清蒸，配上蔥同豉油，更可嘗到其鮮甜魚肉味道。將去骨雞翼釀滿咗雲腿同埋露筍，再伴埋西芹、百合一齊嚟炒，惹味好食。鴿肉又嫩又腍，味道炒得酸酸甜甜，再伴埋火腿嘅鹹香味道，非常特別。作為中環的會所，地點非常方便，不過環境感覺有點兒舊，感覺就像是老飯店一樣。不過呢度供應嘅菜式非常特別，而且都走較為矜貴的路線同高質嘅食材，值得一讚。