泰式金邊粉專門店 (已結業)

一張紙剔哂所有野 金邊粉$45 配埋熱飲 凍飲加兩蚊下面係小食 要邊個就圈我要左泰式金邊粉+泰式雞絲+泰式撈, 熱辣辣撈埋佢既秘製醬汁, 令人好容易就食哂成碗。朋友叫既越式檬粉+泰式豬頸肉+越式撈(凍)+烚雞蛋, 少少辣, 酸酸地咁好開胃。泰式炸扎肉, 少少辣, 第一次食炸扎肉, 平時都係湯粉咁食, 炸完脆卜卜又幾好食WO。泰式炸蝦餅, 好彈牙, 我同朋友都好鍾意食。炸墨魚角, 出面似可樂餅吉列咁, 入面就係有D墨魚。雖然我鍾意依個既外層炸皮, 但我覺得泰式炸蝦餅會較好食。