蕃滿門 (已結業)

今日放工約左朋友系九龍灣食飯。由於好想食蕃茄，諗起office 附近有間專食蕃茄湯底既食店，就決定試下。地點人流唔多既關係，放工時間完全唔需要等位。 我叫左吉列豬扒拼雞翼經典蕃茄湯。蕃茄湯好重蕃茄味，而且好甜，再配埋炒蛋，非常好食😋但對吉列豬扒同雞翼有少少失望。豬扒雖然炸得好脆，但胡椒味偏重，如果少D胡椒味會更好。雞翼味道不錯，但偏乾，可能炸得有D耐🤔另外仲加左個小食－花枝丸，味道吾錯，但有D 辣。 朋友叫左鎮店蕃茄湯粉，揀左雙重芝士蕃茄湯少辣。我試左一啖，加芝士落蕃茄湯又幾夾幾好味喎😍。個湯粉份量十足，有好多配料，絕對吾系一人份量，兩個人食應該都夠飽。總括而言，蕃茄湯係甜甜的，水準唔差，但配料就一般（可能係因為我地唔識叫）下次再試其他配料試下。