Wooloomooloo Prime

營業中

休息中

公司Team lunch, budget 人頭$300，老細就揀咗呢間餐廳，餐廳個環境係好靚，我哋分咗三張枱，每枱四個人，喺窗邊位。邊食邊睇個view真係加分好多。我哋叫咗每人一個set lunch，有頭盤主菜同埋甜品，$198都ok.頭盤我叫咗個煙三文魚拼鮮三文魚他他，好好食，好開胃主菜我自己就食香煎銀鱈魚柳，都唔錯，好厚肉，同埋魚肉唔鬆散，唔錯，但可能對某啲人嚟講份量會偏少。另外兩個主菜就係其他同事食嘅，分別係牛柳同埋大蝦意粉，同事就話個牛柳普普通通但都OK嘅，但我就冇試過啦。甜品我就揀咗燉蛋，我自己本身唔係太食得甜，我覺得呢個都好甜，唔太食一個，但個賣相就唔錯有同事就揀咗芝士拼盤做甜品，佢就話後悔冇揀燉蛋😂整體來講lunch set呢個價錢食到依啲嘢，再加埋個景其實都值嘅，我覺得相比起尖東嗰間分店，呢間嘢食同埋個景略勝一籌。