六両三 (鉅利大廈) (已結業)

之前有去過尖沙咀的六両三，發現最近係港島區天后水星街開左分店，座位較寬敞，環境都係尖沙咀的木系式裝潢設計，比人感覺自然舒服。滷肉燙青菜 $28青菜有滷肉汁係面，仲可以揀走醬。鹹酥雞 $38 有配炸九層塔，影完相都好夠熱，唔會腍左，入口香脆，雞件係雞髀肉所以炸完都唔會太鞋口。半筋半肉麵 $90黎到當然要食主打嘅牛肉麵，由於叫左半筋半肉，牛筋同牛腱份量平均，每樣都有三四件左右。牛肉滷得幾入味，肉質軟腍易咬。湯底有紅燒/ 麻辣口味，朋友揀左紅燒湯頭，味道唔濃，醬油香反而突出啲。麵條亦可以揀粗幼，配搭自由選擇。滷肉飯&滷肉便當 $32 / 65個人認為坊間食台菜份量偏少，六両三比足夠份量，便當既飯應該有兩碗左右，男士絕對食得飽有餘😅滷肉較為大粒，肥瘦均勻，每一啖都係油脂香，肉汁都足夠撈勻碗飯食👍🏻整體來講，餐廳上菜都好快，份量足夠，特別係我中意食既滷肉飯。