泰好味 (已結業)

大王整完牙，又加上六合彩既前夕，要同大王妹會合重鎚出轚，加上上次無試過，所以就選擇黎呢道試試。大王想坐室內，阿姐話要等30分鐘，咁就去咗書局睇咗陣書。終於有位，叫咗芝士蝦丸, 青咖哩包, 辣椒膏炒蟶子, 燒雞翼, 龍眼冰同真多冰。芝士蝦丸: 平平冇奇, 似蝦餅一樣，不過就只係多了芝士心。燒雞翼: 很香，皮燒得很脆，比泰良園好味。辣椒膏炒蟶子: 份量夠多，不太辣，夠爽口，配菜既洋蔥就更加好味!!!泰式炒河: 冇特別。青咖哩包: 我地要咗豬肉，啲味就普通，但用面包點啲咖哩就好夾，好味!龍眼冰: 龍眼少咗啲同太甜，大王唔推介。真多冰: 椰汁味夠重, 我就幾歡喜。食完再去買六合彩，一定要中………..