六合小廚 (已結業)

去尖沙咀睇完新樓盤，就去左中港城附近的六合小廚食早餐。其實早餐佢真係好多選擇，最後我地揀左呢兩款：滑蛋炒义燒夾豬仔包配滷水雞翼米粉~滑蛋义燒夾豬仔包係好食嘅，包係熱，蛋夠滑，义燒係半肥瘦，整個組合又好得喎。滷水雞翼米粉正常，滷水雞翼入味，可以再加多d色。湛江咸雞粥配腸粉~生滾粥最怕材料過生過熟，生還可以浸耐d，熟會鞋口。呢度個粥的好處係材料新鮮，上枱煮得岩岩好，雞肉不鞋，係滑嘅，連雞皮雞油落粥，配搭得宜，粥底係偏淡。早餐黎講，雞肉味咸，加埋雞油配偏淡粥底，有雞味得黎，容易入口消化。腸粉夠熱，正常口感，甜醬分開上，夠衞生。跟餐叫左一冷一熱的奶茶，奶茶係滑嘅，對我黎講，呢度茶同奶的比例岩岩好，值得讚。