影片
更多
2021-07-06
1156 瀏覽
深水埗西九龍中心嘅美食廣場一向都係美食集中地🍽🥢，除咗近來超高人氣嘅海南雞之外，仲有一間新開嘅小店都好值得推介，佢就係「在蘭州」。綠底白字嘅門面好耀眼，再加上廚房乾淨，令人大大提升想幫襯嘅意欲。甘肅蘭州最出名就係牛肉麵，小店當然亦係賣呢味。🍜麵食選擇唔多，五款之中有四款都係牛肉麵，不過口味唔同。我認為最重要係好食，貴精不貴多。呢度定價好平，每碗都只係賣$36至$42不等，份量又夠多。唔係睇佢店舖細細，又得兩個人開工，小店其實運作得好有條理，準備功夫做到足，所以先能夠喺短時間內煮出一碗牛肉麵。留意返，煮食嘅過程係由師傅從麵團拉成麵條開始👨🏻🍳。唔使幾耐，幾碗牛肉麵就經已就緒。由於Food Court太多人，所以我哋決定外賣拎返Office食🥡。小店重視食物質素，因為佢哋會主動分湯，用膠袋裝住啲麵另上，以免麵條浸泡變淋。題外話，我諗起當年喺紅磡買外賣牛肉麵嘅慘痛經歷，麵條浸咗十分鐘就爛晒，完全夾唔起😭。先講麵條，我不得不佩服師傅嘅好手勢👍，同一嚿麵團，佢可以拉出唔同粗度嘅麵條，由幼至粗分別係幼麵、粗麵、韭葉、薄寬以及皮帶。而我同同事們就試咗幼麵、韭葉同埋皮帶，三款拼埋一齊能夠見到粗度有明
深水埗西九龍中心嘅美食廣場一向都係美食集中地🍽🥢，除咗近來超高人氣嘅海南雞之外，仲有一間新開嘅小店都好值得推介，佢就係「在蘭州」。綠底白字嘅門面好耀眼，再加上廚房乾淨，令人大大提升想幫襯嘅意欲。
甘肅蘭州最出名就係牛肉麵，小店當然亦係賣呢味。🍜麵食選擇唔多，五款之中有四款都係牛肉麵，不過口味唔同。我認為最重要係好食，貴精不貴多。呢度定價好平，每碗都只係賣$36至$42不等，份量又夠多。
唔係睇佢店舖細細，又得兩個人開工，小店其實運作得好有條理，準備功夫做到足，所以先能夠喺短時間內煮出一碗牛肉麵。留意返，煮食嘅過程係由師傅從麵團拉成麵條開始👨🏻🍳。
唔使幾耐，幾碗牛肉麵就經已就緒。由於Food Court太多人，所以我哋決定外賣拎返Office食🥡。小店重視食物質素，因為佢哋會主動分湯，用膠袋裝住啲麵另上，以免麵條浸泡變淋。題外話，我諗起當年喺紅磡買外賣牛肉麵嘅慘痛經歷，麵條浸咗十分鐘就爛晒，完全夾唔起😭。
先講麵條，我不得不佩服師傅嘅好手勢👍，同一嚿麵團，佢可以拉出唔同粗度嘅麵條，由幼至粗分別係幼麵、粗麵、韭葉、薄寬以及皮帶。而我同同事們就試咗幼麵、韭葉同埋皮帶，三款拼埋一齊能夠見到粗度有明顯唔同。估唔到麵條除咗闊度不一，口感亦各異，下面再詳細講述。不過佢哋嘅共通點係厚薄均勻、寬窄一致同埋唔易斷唔黐笠笠，勁！
牛肉麵有幾款選擇，湯底分別應該不太大，反而牛肉就有唔同特式🐮。另外，湯底可揀辣度，我哋要咗微辣，果然真係好輕微，不過感覺惹味咗🌶，好過食清湯。
老壇酸菜牛肉麵
$38
163 瀏覽
1 讚好
0 留言
紅燒牛肉麵
$42
72 瀏覽
0 讚好
0 留言
五香牛𦟌麵
$38
111 瀏覽
0 讚好
0 留言
總括嚟講，蘭州牛肉麵真係好好食😋，係深水埗呢位高手令到我愛上依款中國美食🇨🇳，無論牛肉定麵條都好出色。價錢大眾化，街坊都能一嚐地道菜式。我強烈推介呢間小店，嚟幫襯食好西之外，記住唔好忘記欣賞師傅拉麵嘅英姿啊🌟！
張貼
