泰海鮮 (已結業)

趁住放假，同一班朋友入去三聖食海鮮，今次都係呢到，因食過好味，同埋價錢合理，不過今次就由朋友發板，先上海鮮湯，海鮮材料十足，有大大隻嘅瀨尿蝦，同埋啲魚，蕃茄薯仔等材料煮成，味道鮮甜，手快有得飲多碗！小食就點了這裡出名嘅泰皇芝心蝦丸，外面有香脆嘅麵包粒，入口香脆，咬開流心嘅芝士從這個位置流出，味道濃郁！海鮮就點了傳統嘅上湯焗龍蝦，夠原味，一入口就知道十分新鮮，因佢嘅肉質爽口彈牙十分鮮味！還有推介嘅白酒忌廉煮花甲烏冬，大大隻花甲配上白酒忌廉汁味道更加濃郁，還有煙韌彈牙嘅烏冬真係想加個飯混埋一齊食！豉油皇鮑魚亦十分大隻厚身肉質煙韌爽口，加上個豉油汁就更新鮮味！還有大家都食得津津有味嘅油鹽焗奄仔蟹，蟹膏十足入口真係啖啖蟹膏，而肉質亦十分鮮甜，還有豉椒蟶子皇米粉底，蟶子皇大大隻配埋個豉椒汁一齊入口超正，但要親熱食，等耐了個米粉底就會開始變淋，喜歡香脆嘅朋友要留意！最後食肉狂嘅朋友覺得唔夠肉追加了招牌炸子雞，炸得都十分香脆肉質嫩滑！一班人這裡真係一個唔錯嘅選擇！