影片
更多
2024-07-31
371 瀏覽
興華茶餐廳 在興華邨的最後一日。作為柴灣老街坊，地點似唔就腳，其實在裕興樓(巴士站)坐架lift 上17樓行過去好近。因成日上山落山會經過，大潭水塘跑步返柴灣，在「猛鬼橋」(峰華邨) 落嚟有咩近得過呢間食肆？ 返落柴灣站，除了耀東豬扒大王(又執埋)，水準同佢拍得住只有「樂翠茶餐廳」(一樣唔就腳及選擇少。)，澤記只係大份，但食物水準係唔入流。「蔥油雞脾」係興華嘅名物，但其實我咁多次都冇食過，我次次都係炒嘢，師傅炒功一流，但今日係最後一日，等都要等蔥油雞脾試試，因唔知仲有冇機會再食。店主話結業原因係媽媽做了幾十年，廚房師傅又年紀大想退休，但其實新一代店主及佢班後生拍檔朋友，個個有心有力，上年我至幫趁過兩次佢地啲巨型大閘蟹，幾OK喎 （見圖），新一代攪飲食有呢份心，在香港已見少賣少了。
因成日上山落山會經過，大潭水塘跑步返柴灣，在「猛鬼橋」(峰華邨) 落嚟有咩近得過呢間食肆？ 返落柴灣站，除了耀東豬扒大王(又執埋)，水準同佢拍得住只有「樂翠茶餐廳」(一樣唔就腳及選擇少。)，澤記只係大份，但食物水準係唔入流。
「蔥油雞脾」係興華嘅名物，但其實我咁多次都冇食過，我次次都係炒嘢，師傅炒功一流，但今日係最後一日，等都要等蔥油雞脾試試，因唔知仲有冇機會再食。
店主話結業原因係媽媽做了幾十年，廚房師傅又年紀大想退休，但其實新一代店主及佢班後生拍檔朋友，個個有心有力，上年我至幫趁過兩次佢地啲巨型大閘蟹，幾OK喎 （見圖），新一代攪飲食有呢份心，在香港已見少賣少了。
紅荳冰
$12
17 瀏覽
0 讚好
0 留言
炸雞脾薯條
$42
40 瀏覽
0 讚好
0 留言
蔥油雞脾
$42
46 瀏覽
0 讚好
0 留言
七兩大閘蟹
17 瀏覽
0 讚好
0 留言
大閘蟹
32 瀏覽
0 讚好
0 留言
大閘蟹
67 瀏覽
0 讚好
0 留言
大閘蟹
45 瀏覽
0 讚好
0 留言
題外話/補充資料：
剛才坐低跟熟客傾開，應該係店內消防及裝修要翻新，咁至續到食肆牌，果度要幾十萬，茶餐廳賣幾十蚊個餐，仲要係同商業區唔近嘅半山屋邨上面，扣埋各位人工，幾耐至搵得番幾十萬？
外面租話貴過興華邨好多，但而家食肆咁多結業潮，其實在新舖頂手番一間仲有著數，只要唔好作發達夢，不斷擴張，做好一間便夠。
這間嘢有啲攪笑經歷，兩年前上去午飯食炒飯，有個後生黑黑地面，但茶餐廳係唔會要求好好態度，食飽就走，跟住上社交媒體網站專頁睇，原來少店主都知呢位朋友，後尾聽講果位黑面伙計好似冇做，我覺得好少後生做飲食咁有心睇住檔嘢，這便是我們香港人的精神，才換到咁多粉絲捧場。
如果店東唔係移民，希望佢地會找到另一位置再營業，其實移民都好，你在英國開，我地都好多香港人有機會去光顧㗎。
(以上食評乃用戶個人意見 , 並不代表OpenRice之觀點。)
張貼
