黑鉄屋 (已結業)

灣仔見完客時間尚早，早早地食個晚餐啦。食拉麵既鋪頭通常都細細間，座位少但係有份溫馨感覺。主要有四款，分別以隱、黑、金、銅兵衛命名。前菜有d漬物，青瓜同海帶酸酸地好開胃。我就食個特別啲既金仔，係豚骨湯加辣肉醬，有得加料就梗係要加菠菜啦！湯頭好味，唔會覺得渴，但對小姐黎講有點太辣，玉子半熟流心很不錯，兩片豚肉肥瘦適中，下麵一流。小食方面叫左個明太子雞翼，香香脆脆都唔錯。惹味～質素都唔錯呀，價錢中上，不過果日唔知係咪比較涼，無開冷氣，開住左個門，所以好多蚊飛左入黎，我諗店主可能都要留意下。