影片
更多
2022-10-09
244 瀏覽
個個星期都會响沙田出現，個個星期都要諗吓食乜先。今日嚟呢度，其實唔係第一次嚟呢度，耐無幫襯，今日再食又覺唔錯噃。餐牌上有小食，之前未試過，睇相幾靚，今次點了辣肉腸炒蝦配多士。好好味呀⋯⋯蝦大大隻，蒜片辣肉腸味道香濃，件多士唔係求其白方包，軟得嚟又脆得啱啱好。掛住佢哋隻德國豬手，以前成隻上，而家斬件serve，其實斬咗件係方便啲嘅。哇，咬第一啖，皮脆，肉滑，唔會死鹹👍🏻。配菜有紅蘿蔔薯仔，唔知焗定grill,定係焗完grill，紅蘿蔔好焾好甜👍🏻👍🏻，薯仔好粉👍🏻，嗰啲德國鹹酸菜用咗少少煙肉炒，幾醒胃嘅。另點了份炸魚薯條，兩件炸魚屬厚身，有炸漿，炸漿係脆無麵包糠嗰種，即係非吉列類別，開心咗一半，食落口外脆係屬高分的，內裡件魚塊，肉厚，滑口👍🏻，無雪味無泥味，所以係屬好味㗎！薯條粗切，無乜大驚喜，有部分炸得過了少少火，仲有沙律菜，個dressing 酸酸咪咪，好幫到無油膩感。雖然成碟嘢以炸為主，但無一陣陣油味，所以整體來說，唔錯👍🏻同行人士點了杯飲品，賣相幾靚，材料有桃熱情果，好似仲有士多啤梨，味道方面係ok，但我個人唔鍾意食好杰又好凍嘅飲品，因為飲得快會整到個鼻竇好痛，所以無得comme
餐牌上有小食，之前未試過，睇相幾靚，今次點了辣肉腸炒蝦配多士。好好味呀⋯⋯蝦大大隻，蒜片辣肉腸味道香濃，件多士唔係求其白方包，軟得嚟又脆得啱啱好。
辣肉腸炒蝦多士
16 瀏覽
0 讚好
0 留言
德國豬手
22 瀏覽
0 讚好
0 留言
掛住佢哋隻德國豬手，以前成隻上，而家斬件serve，其實斬咗件係方便啲嘅。哇，咬第一啖，皮脆，肉滑，唔會死鹹👍🏻。配菜有紅蘿蔔薯仔，唔知焗定grill,定係焗完grill，紅蘿蔔好焾好甜👍🏻👍🏻，薯仔好粉👍🏻，嗰啲德國鹹酸菜用咗少少煙肉炒，幾醒胃嘅。
德國鹹豬手
12 瀏覽
0 讚好
0 留言
另點了份炸魚薯條，兩件炸魚屬厚身，有炸漿，炸漿係脆無麵包糠嗰種，即係非吉列類別，開心咗一半，食落口外脆係屬高分的，內裡件魚塊，肉厚，滑口👍🏻，無雪味無泥味，所以係屬好味㗎！薯條粗切，無乜大驚喜，有部分炸得過了少少火，仲有沙律菜，個dressing 酸酸咪咪，好幫到無油膩感。雖然成碟嘢以炸為主，但無一陣陣油味，所以整體來說，唔錯👍🏻
Fish and Chips
17 瀏覽
0 讚好
0 留言
同行人士點了杯飲品，賣相幾靚，材料有桃熱情果，好似仲有士多啤梨，味道方面係ok，但我個人唔鍾意食好杰又好凍嘅飲品，因為飲得快會整到個鼻竇好痛，所以無得comment，但係好新鮮好。
張貼
