芝樂坊餐廳

營業中

休息中

雙十一那天心想要對自己好一點，加上要往尖沙咀拿點東西，便決定去The Cheesecake Factory食lunch。一個人12點前來到，去bar位坐不用等位。但十分鐘後人龍愈來愈長，可見此店開張了一段時間後人氣仍在。環境方面幾企理，但我稍嫌燈光太暗太紅，弄得我有點不自在。點了一個Pasta Carbonara，份量屬美式，較一般西餐廳略多。那些意大利粉軟度尚算適中，最欣賞個汁幾濃，而且青豆挺多，配埋煙肉碎，倒何令這個濃味之作帶有點兒清新感。不過，你話好特別又談不上。來此店的重點當然是食cheesecake啦，點了一個「無敵紅絲絨芝士蛋糕」，果然味濃有層次，最適宜將所有layer一啖吃之，至於伴碟的cream打得輕盈，但整體而言個cake真係幾膩吓，吃一件已飽飽了。其實此店食物質素還不錯，但你說驚艷又未夠班，真的不太明白為何這麼多人排隊來吃，畢竟價錢唔平，加埋杯咖啡埋單近三百元，性價比真係唔高。