五代同糖 (已結業)

一早對此甜品店有所聽聞，以前一直想試，不過次次經開都勁多人，也從朋友既口中得知其虛實，有朋友就話呢度既甜品ok不錯，又有朋友話名過於實，食大牌子only，但本人就是如此的硬頸，點都想去試下，未試過就不心息，起碼自己食左，自己就自己一套既睇法。食完飯之後，還行左一陣街，最後打算順道吃個甜品再為結束。行左去鵝頸橋，醒起個度有間五代同糖，之後就拉左個朋友入去，佢都唔係好願意入去，因為佢就係話唔係咁好食個一位朋友，但佢最後都係比我拉左入去。我叫了棉花冰，我就叫左個牛奶雪花冰啦，好似係叫天使冰，味到估唔到都幾好，可能加埋夏天食，簡直透心涼，佢個雪花冰，有oreo碎、黑珍珠、爆珠同新鮮水果，感覺都清新，幾好味。另外，我地又叫了芒果糯米池，軟軟既糯米池配上超甜的芒果，幾match，幾好味。整體黎講，我覺得都ok，所以話自己點都要去試下先好作comment。