影片
更多
2011-09-19
19 瀏覽
喺間野附近番工，睇住佢風生水起初時佢人流一開舖好，但之後人流好淡，以為佢再咁落去就好難做但想講，呢間野只係噱頭好，marketing夠，多宣傳介紹技倆而己： 之前搞個勁食大賽惹人採訪仲有限時食大大份唔駛錢而家有個group coupon 宣傳其實唔係特別好食，都唔明佢出面做咩咁多人排隊因為之前我公司有位日本人訪港，走左去食，比左d口頭評價佢，話同日本食的拉麵好有距離，仲好心叫佢地有咩改善，但佢地唔覺有問題，咁無法啦。***見佢又再次多人排番隊，按羊群心理，晏晝就做多次士卒，再次睇下佢有無改善 (其實我唔同階段比左幾次機會架喇...)食過佢的午餐，三十五蚊有個 8 王子招牌麵，有小食有麵有野飲，其實望落幾抵的 (以前唔搞 set，都幾貴所以無再食)佢的糖心蛋同成個番茄凍小食係不錯的，番茄沙律大件夾抵食，幾新鮮不過八王子拉麵館有這個名字，還是應該以拉麵做招牌吧？拉麵的湯底是靈魂，好重要，同 d 麵夾得到先叫好但我連佢的招牌拉麵，肉就普通，覺得d 麵同個湯係分開整似的，無心無合一煮之感，試問對其他款麵的信心有幾多呢？ 仲有佢個湯底超級油，成層喺上面，睇之前幾樓post 果d相?湯望落就好濃，
初時佢人流一開舖好，但之後人流好淡，以為佢再咁落去就好難做
但想講，呢間野只係噱頭好，marketing夠，多宣傳介紹技倆而己：
之前搞個勁食大賽惹人採訪
仲有限時食大大份唔駛錢
而家有個group coupon 宣傳
其實唔係特別好食，都唔明佢出面做咩咁多人排隊
因為之前我公司有位日本人訪港，走左去食，比左d口頭評價佢，話同日本食的拉麵好有距離，仲好心叫佢地有咩改善，但佢地唔覺有問題，咁無法啦。
***
見佢又再次多人排番隊，按羊群心理，晏晝就做多次士卒，再次睇下佢有無改善 (其實我唔同階段比左幾次機會架喇...)
食過佢的午餐，三十五蚊有個 8 王子招牌麵，有小食有麵有野飲，其實望落幾抵的 (以前唔搞 set，都幾貴所以無再食)
佢的糖心蛋同成個番茄凍小食係不錯的，番茄沙律大件夾抵食，幾新鮮
不過八王子拉麵館有這個名字，還是應該以拉麵做招牌吧？
拉麵的湯底是靈魂，好重要，同 d 麵夾得到先叫好
但我連佢的招牌拉麵，肉就普通，覺得d 麵同個湯係分開整似的，無心無合一煮之感，試問對其他款麵的信心有幾多呢？
仲有佢個湯底超級油，成層喺上面，睇之前幾樓post 果d相?
湯望落就好濃，飲落其實好淡
唔係我一個咁講啦，樓下有d 都咁覺得，所以好明顯，多人排隊打響個名，係巿場策略做得好，同質素無關
點解其他人唔比喊面？我諗因為佢其他 side dishes 係不錯的，令人唔集中喺 d 拉麵評度
我就對拉麵同工作表現有d 睇唔過眼，一於我手寫我心！
回憶起，其實佢初時開舖果陣d湯底仲好d同d麵仲好食d (開舖果陣都麻麻地，即係而家仲差左)
仲有.....我唔想咁講，但發覺以前果個超急燥底的男伙記竟然由樓面轉左做廚房
喺個廚房唔戴口罩整d麵，但就一路向住麵的方向大聲怪侍應做咩唔拎麵、好急咁罵人，食客出入時向住同一方向大聲用日文句歡迎多謝，雖字正腔圓，但作食客的我看到這個畫面，是會令人擔心煮麵過程的質素
以前我見過佢對某d侍應不太安份，而家收檢左d
但我覺得d 員工喺度做好慘囉，高壓政策，係咁比佢喝，員工對食客是nice的，但對住佢戰戰兢兢，打工ja，唔講仲以為佢係老細
當時坐近廚房，食果陣仲見佢唔知做咩怒氣沖沖，好似發脾氣咁衝左出去，繁忙的午飯時間前面廚房無人理...呢個都唔係重點
重要的是，你鬧還鬧，間舖細，成間舖d 食客都聽到你燥底
好心收埋一邊鬧啦，唔單止令到d員工當堂 dead 曬air，仲令到周圍 d 食客都 O 左咀，完全影響食客心情！
煮拉麵係要睇下師父手勢，唔對住食客燥底 je，但咁樣對人的態度...一係就唔好整個open拉麵kitchen比人睇到
試問碗拉麵的質素喺個好有情緒及影響食客的師傅手下，又點會用心機同煮得好呢？唉。
唉。而家出左名就多人慕名排隊而試，但奉勸各位食side dishes 仲好過食打正招牌名的拉麵。
張貼