文記車仔麵 (福榮街)

營業中

休息中

一間坐落深水埗歷史悠久嘅老牌車仔麵檔，短短一條街已經有三間舖頭，嚟緊重有多一間快張開業……好啦入返正提先，當然就係講返今次嘅食後感啦，之所以佢能夠開到咁多間舖，只因佢真的在深水埗已經打響了名堂，家上地理位置就在深水埗人流最旺嘅電腦商場附近，所以做就了生意一面倒嘅優勢，附近左右又無乜看似平民化而且餸菜又多樣化選擇嘅食肆，就係因為幾十種款式而迎合咗香港人喜歡新鮮，不想餐餐都 千篇一律咁苦悶，今日叫三四款餸聽日又轉另外三四款，所以生意好咗，做唔切啦，咪就要開多幾間做多啲客囉，正所謂肥水不流別人田，另外香港地租金咁貴，好自然羊毛出在羊身上，車仔麵叫一個餸已經再唔便宜啦，十二，十三蚊一個餸，如果以我為例，間唔中先落深水埗買嘢兼幫襯一次，實係想食多幾款餸菜滿足一下，況且叫得太少又唔多夠飽😅，所以今次我叫咗……(粗麵、大腸、 魷魚、花膠，加多罐可樂)，咁就$70蚊了，你話食車仔麵係咪已經唔再大衆化呢……不過無可口非佢哋嘅餸菜真係醃得好入味，抵佢咁多人捧場嘅，今次係我第一次響度叫花膠食，感覺良好，味道唔錯，軟硬適中，不防一試。今次無乜拍多餘圖片，相信大家都會知道舖頭位置啦😎