邀月茶館 (已結業)

某次friday night想入去試下，誰知成間鋪頭已差不多滿座，粗略估計只是10多檯罷了，可想而知呢度的面積一定唔太大，不過如果容納得太多人又會嘈到拆天就真的。個次諗住坐後花園都ok，但個時正值大熱天時30幾度，實在唔係幾想焗到成身汗，結果我都無坐低幫襯，就係咁令到我與此店無緣了。不過睇完呢度的食評又有少少慶幸無幫襯到，雖則我唔係什麼飲茶專家，但我都知道無理由所有茶葉統統都用大滾水沖泡......不同茶葉應該用唔同溫度既滾水沖ga bor。同埋飲一飲就盛惠$70-$120，貴左d wor，如果係咁我都會寧願去英記買茶葉番屋企自己沖。p.s.今次都係淨俾環境分。