紅椒力量 (已結業)

睇返之前D留言，其實好似誇張左少少。我地2人差唔多晚上9點先去食所以唔駛點等位。個裝修同環境都幾好，好乾淨。2人叫左3樣野，咖哩札肉喇沙，咖哩焗豬扒飯，雞肉串燒。D野食一上，比我地預期既分量大份好多。2個人叫3樣野，最後個豬扒飯係食唔晒要拎走。個咖哩札肉喇沙真係值得一試！越食越好味！！！而雞肉串燒一碟6串，只可以固定一種。如果可以撘埋其他豬牛，每樣2串，試下不同口味就最好！