長旺燒鵝燒味飯店

營業中

休息中

最近都喺旺角工作, 所以好多機會嚟呢度食飯。今日就試下食燒味, 呢度唯一間就係「長旺」。之前幾次嚟都見到隔離嘅人喺度食佢嘅燒味, 睇落都幾靚呀。我叫咗個<燻蹄拼叉燒飯>, 跟杯熱奶茶(加$5)。 價錢方面, 睇唔明佢個餐牌, 初初以為雙拼飯 33蚊碟, 原來要35蚊, 可能係因為要燻蹄嘅關係。燻蹄唔錯; 叉燒係半肥瘦, 味道都唔錯呀, 份量再多少少就好喇。飯嘅質地亦ok。豉油ok, 撈飯一流。冇另外再要求「蔥油」, 因為驚太鹹、太油膩。熱奶茶, 係好好飲嘅。下次要試下燒肉, 睇下好唔好味。