鮮芋仙 (已搬遷) 新店位置

呢日係尖沙咀去完cafe之後見到樓下就有鮮芋仙又唔使排隊就去試下。我點左芋圓4號，入面除左芋圓之外，仲有紅豆、珍珠同芋頭。可能因為叫熱嘅關係，所以芋圓偏軟，但芋圓嘅蕃薯同芋頭味都幾濃郁。另外係紅豆融入糖水之中，但仍未可以更加濃稠。珍珠偏細粒，但幾有咬口，唔會因為熱而變得太軟。成碗最欣賞就係芋頭，好粉同好有芋頭香氣。雖然我無食過台灣嘅鮮芋仙，但我認為呢間香港鮮芋仙嘅份量同佢嘅價錢符合，味道都不錯，唔會太甜，如果可以成碗糖水可以再熱啲就更好。