影片
更多
2019-04-22
405 瀏覽
幾乎每次都係隻身幫襯嘅我，已經認定了呢間粉麵店為自己飯堂之一，其實之前已經好想上嚟比個好評佢地，不過自私嘅我又唔想「飯堂」出咗名之後變質，所以遲遲都無作評價。因為屋企人近年都唔用牛肉入饌，所以唯有係出街食飯嘅時候先會食到牛肉。係某一次心血來潮嘅情況之下，就走入咗 周明園 叫咗碗牛腩雲吞麵，一試就愛上咗呢間小店！雖然我期間都試過「花心」去咗同區另一間標籤自己牛腩專家云云⋯⋯但無論價錢、份量、環境而及服務都不如周明園，更令我對其死心塌地🥰今日未食午餐又順路經過嘅我又去幫襯佢嘅牛腩牛筋麵，落單後不出五分鐘就奉上係你眼前～細心位係就算你一時唔記得要走蔥都唔緊要，皆因師傅只會將蔥花放係湯匙之上，要減要捨適隨尊便；罩眼睇今次明顯牛筋多於牛腩，鬱悶咁乾扒2啖麵入口⋯⋯之後⋯筷子先發現有幾舊牛腩原來只係跌咗係湯碗深處（心情馬上開朗返哂🤡）；牛腩仍然係昔日食到嘅又腍又軟嘅坑腩位，牛筋亦保持軟硬適中又充滿膠質嘅口感，水準依然。能夠做到一啖麵送到一啖配料，係香港地真係賣少見少，再以平民價位提供咁高質素嘅潮州麵食，周明園真係卻之不恭。生活從來都唔係一件容易嘅事，一個小小嘅 鼓勵 / 支持 可能就係其他人每日嘅
因為屋企人近年都唔用牛肉入饌，所以唯有係出街食飯嘅時候先會食到牛肉。係某一次心血來潮嘅情況之下，就走入咗 周明園 叫咗碗牛腩雲吞麵，一試就愛上咗呢間小店！雖然我期間都試過「花心」去咗同區另一間標籤自己牛腩專家云云⋯⋯但無論價錢、份量、環境而及服務都不如周明園，更令我對其死心塌地🥰
今日未食午餐又順路經過嘅我又去幫襯佢嘅牛腩牛筋麵，落單後不出五分鐘就奉上係你眼前～細心位係就算你一時唔記得要走蔥都唔緊要，皆因師傅只會將蔥花放係湯匙之上，要減要捨適隨尊便；罩眼睇今次明顯牛筋多於牛腩，鬱悶咁乾扒2啖麵入口⋯⋯之後⋯筷子先發現有幾舊牛腩原來只係跌咗係湯碗深處（心情馬上開朗返哂🤡）；牛腩仍然係昔日食到嘅又腍又軟嘅坑腩位，牛筋亦保持軟硬適中又充滿膠質嘅口感，水準依然。
能夠做到一啖麵送到一啖配料，係香港地真係賣少見少，再以平民價位提供咁高質素嘅潮州麵食，周明園真係卻之不恭。生活從來都唔係一件容易嘅事，一個小小嘅 鼓勵 / 支持 可能就係其他人每日嘅動力來源，所以我唔想再做一個吝嗇嘅香港人，有好嘢要話比更多人知道，做得好要誠心讚美他人，好評亦因此而來～共勉之。
張貼