影片
更多
2020-10-24
866 瀏覽
今次係我第二次嚟大澳，但都係第一次喺大澳食嘢。就算喺平日過嚟，都好多鋪頭同食店都冇開，如果想食正餐，我建議你食完飯先過嚟好啲。不過試到其中一間叫做蘇廬嘅漁村風味棚屋cafe，都係主打輕食、甜品同咖啡，仲要係黃店。本身亦都因為咁而冇太大期望，不過呢間都幾爆，平日晏晝都已經要坐喺近門口張櫈度等一陣。裡面啲座位唔算多，我哋亦都好好彩，坐嘅位就係對正對面嘅漁村棚屋風景，雖然食物同嘢飲種類簡單，選擇唔多，但係質素係有，一路飲精品咖啡，食住tiramisu，一路望住漁村棚屋風景，非常寫意！另外杯同碟都係用中式花紋圖案，中西合璧都幾特別，冇違和感～價錢方面呢，佢一杯嘢飲+一件蛋糕或其他嘢食就95蚊，咁一杯嘢飲+一件蛋糕+一樣嘢食就125蚊，呢個價錢喺離島嚟講都係咁上下。📍意大利芝士餅tiramisu 如果你係tiramisu 控，呢個係必食之一，食落嘅口感非常滑，食完唔會覺得好heavy📍意式脆多士呢碟多士有3款唔同味，分別係羅勒蕃茄、蜂蜜芥末鯖魚同青木瓜XO蝦醬蟹肉，感覺都幾特別，惹味得嚟都幾夾，尤其係第三款個蝦醬味都唔會太重，肉味出啲，其餘兩款相對比較清淡，好視乎個人口味
本身亦都因為咁而冇太大期望，不過呢間都幾爆，平日晏晝都已經要坐喺近門口張櫈度等一陣。裡面啲座位唔算多，我哋亦都好好彩，坐嘅位就係對正對面嘅漁村棚屋風景，雖然食物同嘢飲種類簡單，選擇唔多，但係質素係有，一路飲精品咖啡，食住tiramisu，一路望住漁村棚屋風景，非常寫意！另外杯同碟都係用中式花紋圖案，中西合璧都幾特別，冇違和感～
價錢方面呢，佢一杯嘢飲+一件蛋糕或其他嘢食就95蚊，咁一杯嘢飲+一件蛋糕+一樣嘢食就125蚊，呢個價錢喺離島嚟講都係咁上下。
📍意大利芝士餅tiramisu
如果你係tiramisu 控，呢個係必食之一，食落嘅口感非常滑，食完唔會覺得好heavy
📍意式脆多士
呢碟多士有3款唔同味，分別係羅勒蕃茄、蜂蜜芥末鯖魚同青木瓜XO蝦醬蟹肉，感覺都幾特別，惹味得嚟都幾夾，尤其係第三款個蝦醬味都唔會太重，肉味出啲，其餘兩款相對比較清淡，好視乎個人口味，我自己覺得三款都唔錯
📍熱精品咖啡
精品咖啡都係必試，亦都係整得最耐，但係值得等，口感好滑，連我唔係特別鍾意咖啡嘅都覺得唔算苦，但又keep到咖啡味
📍雞翼蝦子麵
以前食蝦子麵唔覺得有幾特別好食，今次就食到，靚嘅蝦子麵，一定食到好香嘅蝦子味，麵質爽口鮮甜，亦都唔需要落其他調味料，而佢就係咁樣。不過份量都係唔算大，所以都會叫埋其他小食/甜品
📍熱朱古力奶
朱古力味突出，唔會太甜
張貼
