Cô Thành (已搬遷) 新店位置

今日難得放假，同朋友嚟到上環呢間特色嘅越南餐廳。喺網上面睇呢間餐廳好出名，而且裝飾多好有越南風味。果然呢個建築真係幾靚，好似去左河內咁。我哋揀咗個好位，坐咗喺落地大玻璃面前，有自然嘅日光陽光，心情都靚靚。🌟Bun bo hue🌟（$118）選擇唔算特別多，冇中文字，只有越南字同埋英文字，都唔知自己叫咗啲咩，好彩有睇OpenRice，叫咗呢碗面，對面有牛肉，肉丸。 性價比麻麻哋，湯麵以為係金邊粉，點知係米線。好在料都算多，牛肉都幾靚，幾嫩，但係個湯底唔算特別好飲，中規中矩。同埋食食下嚟咗好多人，我哋未食完碗麵，個店員就趕住想收，好似喺度趕嚇咁，呢點的確幾扣分。