影片
更多
2017-03-25
4079 瀏覽
今晚食八月居，八月居都係我在海港城經常幫襯的食店之一。以中價的中餐來講，它的食物都頗有質素。晚餐飲茶都唔錯，雖然d嘢細碟，但比起普通茶樓好食得多，個人認為適合三兩知己食飯傾計，但不適合大夥兒聚餐，因為你會食唔飽。今晚order咗四樣嘢，全部都係平時食開的，但巧合的是四樣嘢都有煎炸成分，點完先知呢個組合係錯嘅，實在太肥膩了，所以食完覺得好油，好彩有杯普洱解一解。粟米斑塊，ok，味道不過不失，$158脆皮BB豬，入口即融，唔錯，$78金沙翡翠豆腐，綠色嘅豆腐試過未？我諗係加入咗d蔬菜汁卦，外面係鹹蛋黃包住，好好味，雖然膽固醇高d，但間中食吓都OK，真係好好食，都係嗰句，食完一定會覺得有d油。怕肥者慎入! 龍蝦煎米粉，$248好似，龍蝦鮮甜，米粉索晒d龍蝦汁都好食，不過略嫌米粉煎得唔夠脆，淋淋地，加上相信係炸過的龍蝦，d米粉食落好油，一個字，肥！但味道係ok嘅!除此之外，佢個和牛沙律都好正，每次去到必食，但今餐太飽就冇嗌。題外話，呢排成日到海港城開餐，原因係泊車好方便，TST來講，海港城泊車最好最抵，時租$23/hr，星期一到星期五，晚上六點後入車，消費滿$500就可以免費泊五個鐘，（其實閒
今晚order咗四樣嘢，全部都係平時食開的，但巧合的是四樣嘢都有煎炸成分，點完先知呢個組合係錯嘅，實在太肥膩了，所以食完覺得好油，好彩有杯普洱解一解。
粟米斑塊，ok，味道不過不失，$158
脆皮BB豬，入口即融，唔錯，$78
金沙翡翠豆腐，綠色嘅豆腐試過未？我諗係加入咗d蔬菜汁卦，外面係鹹蛋黃包住，好好味，雖然膽固醇高d，但間中食吓都OK，真係好好食，都係嗰句，食完一定會覺得有d油。怕肥者慎入!
龍蝦煎米粉，$248好似，龍蝦鮮甜，米粉索晒d龍蝦汁都好食，不過略嫌米粉煎得唔夠脆，淋淋地，加上相信係炸過的龍蝦，d米粉食落好油，一個字，肥！但味道係ok嘅!除此之外，佢個和牛沙律都好正，每次去到必食，但今餐太飽就冇嗌。
題外話，呢排成日到海港城開餐，原因係泊車好方便，TST來講，海港城泊車最好最抵，時租$23/hr，星期一到星期五，晚上六點後入車，消費滿$500就可以免費泊五個鐘，（其實閒閒地食個飯都要過$500）憑渣打卡一張單消費滿$500仲可以免費泊多一個鐘同換埋$25 starbucks券，真係抵到爛，所以我地兩個好鍾意到海港城食飯。
張貼
