尚夢・茳煳 (已結業)

今日我哋突然間好想食中菜，就喺灣仔附近搵咗間都好多人推介嘅中餐食。入到去間茶樓。佢哋嘅裝修同埋環境都非常之優美，感覺上的非常之典雅，而且坐位仲非常之闊落同埋舒服。我哋今次叫咗一個二人餐，佢嘅餐分別可以揀兩個小食同埋一個飯，我哋就揀咗果乾咕嚕肉和黃金豆腐層層疊，同埋茳煳炒飯。佢嘅餸份量都幾多，兩個人食到超級飽，而且都好有鑊氣！自己最鍾意就係食佢嘅咕嚕肉，甜甜酸酸非常之開胃👻🫶🏻佢嘅黃金豆腐係炸豆腐，佢哋嘅豆腐非常之出色外脆內軟而且非常熱辣辣啱晒冬天食❤️‍🔥最後我哋仲加咗一個湯同埋甜品，鮮人參薏米燉湯， 燉湯好足料！而佢哋嘅洛神花糕，唔會太甜 食飽飯後甜品啱啱好！