椰粉湯紅 (已結業)

今日朝早去左灣仔開會，順便食個午餐先番屋企。灣仔有間餐廳「椰粉湯紅」，主打養生燉湯。餐廳有素食菜式，又有健康五穀雜糧，的確岩哂鐘意健康既人士。燉湯選擇有好多，又有自家製涼茶。我今日午餐叫左套餐，肉類叫左無骨豬排，醬汁自選黑椒汁，主糧叫左彩虹飯。主糧有好多選擇，有紫黃蕃薯、彩虹飯、白米飯、米粉。我就叫左比較飽肚既彩虹飯。彩虹飯由紅米、白米、粟米製成，口感好豐富，有粟米甜味，飯粒好重米香。黑椒汁濃郁，入口唔會好重味道油膩感低，有黑椒辛香味道。無骨豬排厚切，入口肉感豐富，有肉汁好驚喜！豬排份量好大塊，性價比高。我再加點時令靚菜，娃娃菜好清甜，翠綠即炒，咸香豐富。