湯火功夫麻辣燙 (已結業)

上次跟朋友係內地食過麻辣燙，好好味，今次跟朋友經過銅鑼灣見到新開餐廳：湯火功夫麻辣燙，雙眼開始發光了😍😍 店員拎左菜單紙比我地填寫；$37起配我就點左番茄🍅湯底麻辣燙$5配萵笋$7、鮑魚菇$7、滷雞中翼$10、薯粉$12；紅噹噹顏色十分鮮豔，湯底用新鮮番茄🍅煮成，比茄膏味道更濃郁，再加左少許特製麻椒油，少許麻辣既味道浸去味蕾，爽YY!滷水雞翼都好嫩滑腍身，入晒味，薯粉口感都好Q彈！而友人就點左：泰式冬蔭功麻辣燙$5配唐生菜🥬$7、木耳$7、魚腐$10、薯粉$12；泰國🇹🇭出晒名食冬蔭功，魚腐、唐生菜、木耳吸晒冬蔭功味道，「冬」就是煲，「蔭」解作香料混合，而「功」就是蝦🦐，令到個湯不會過酸或過辣，加入蝦令湯更顯鮮味，再食啖薯粉煙煙韌韌更易入口！而飲品就點左2杯酸梅汁$16，酸酸甜甜咁生津解渴，我連湯底都飲晒，就知道好唔好味啦！好滿意既一頓午餐🥣！👍😋