影片
更多
2021-04-12
245 瀏覽
香港食泰國菜嘅地方多的是，但裝修靚靚嘅泰國菜館就比較少見🇹🇭，位於尖沙咀海港城嘅「Lady Nara」正正就係一個好例子。平日晚市都排哂長龍，人氣超高的！餐廳有名你叫Lady，行粉紅少女風格調可算係意料之內💕，四周圍都好適合打卡啊。雖然未食飽，但我心情已經好愉快。雖然話呢度係泰國餐廳，但其實賣嘅菜式係偏向泰式西餐，例如主菜係西式嘢：意粉同意大利飯，再加入冬蔭功同咖哩等泰式元素。簡單啲講即係Fusion菜😂。薄切鮮帶子配三文魚子及香草醬($158)，帶子係薄切，所以就無乜口感可言🙈，不過主要係食佢個味嘛。清新嘅香草醬同富有鹹香嘅三文魚子相映成趣，出奇地佢哋嘅味咁突出都無蓋過帶子嘅鮮味，整體算係幾開胃嘅前菜。菠蘿牛肉他他配甜酸蛋黃醬($108)，今次係我第一次食牛肉他他🐮，心入面都有啲緊張，唔知接唔接受到。不過食落無乜嘢，一啲腥味或怪味都無，肉質唔韌、無筋，仲同呑拿魚他他有幾分相似添，中間混入咗菠蘿粒亦幾得意。甜酸蛋黃醬原來有啲辣味🌶，唔係單單作伴碟咁簡單。燒USDA Prime牛肩扒拼珍寶龍蝦尾配薯條($298)，餐牌寫件扒係10安士真係無呃人，我覺得甚至更重磅！🥩厚厚嘅牛肩扒燒得好好，
香港食泰國菜嘅地方多的是，但裝修靚靚嘅泰國菜館就比較少見🇹🇭，位於尖沙咀海港城嘅「Lady Nara」正正就係一個好例子。平日晚市都排哂長龍，人氣超高的！
餐廳有名你叫Lady，行粉紅少女風格調可算係意料之內💕，四周圍都好適合打卡啊。雖然未食飽，但我心情已經好愉快。
雖然話呢度係泰國餐廳，但其實賣嘅菜式係偏向泰式西餐，例如主菜係西式嘢：意粉同意大利飯，再加入冬蔭功同咖哩等泰式元素。簡單啲講即係Fusion菜😂。
薄切鮮帶子配三文魚子及香草醬($158)，帶子係薄切，所以就無乜口感可言🙈，不過主要係食佢個味嘛。清新嘅香草醬同富有鹹香嘅三文魚子相映成趣，出奇地佢哋嘅味咁突出都無蓋過帶子嘅鮮味，整體算係幾開胃嘅前菜。
菠蘿牛肉他他配甜酸蛋黃醬($108)，今次係我第一次食牛肉他他🐮，心入面都有啲緊張，唔知接唔接受到。不過食落無乜嘢，一啲腥味或怪味都無，肉質唔韌、無筋，仲同呑拿魚他他有幾分相似添，中間混入咗菠蘿粒亦幾得意。甜酸蛋黃醬原來有啲辣味🌶，唔係單單作伴碟咁簡單。
燒USDA Prime牛肩扒拼珍寶龍蝦尾配薯條($298)，餐牌寫件扒係10安士真係無呃人，我覺得甚至更重磅！🥩厚厚嘅牛肩扒燒得好好，外層有微微炭燒嘅香氣，切開後更能確定生熟度係符合我哋要求嘅五成，所以鎖住咗肉汁，牛味亦都濃郁，高質😋。龍蝦尾係好大隻，但調味較淡，只食得出佢彈牙嘅口感，幸好菜式附上一個類似冬蔭功湯嘅汁，幫補不少。配菜除咗有薯條外🍟，仲有唔少蔬菜，包括蘆筍、粟米筍同蕃茄。
泰式奶茶意大利芝士餅
$88
8 瀏覽
0 讚好
0 留言
泰式奶茶意大利芝士餅($88)，作為提拉米蘇專員嘅我，除咗原味外，亦都試過唔同口味嘅Tiramisu，但奶茶味就未曾一嚐，因為市面上亦都唔多😬。Tiramisu以杯裝上，所以造型而言有丁點兒失色，不過味道就係非一般好食！估唔到用奶茶頂替咖啡有咁出色嘅效果，我自己更加鍾意呢個口味，皆因免卻咗咖啡嘅苦，🥛奶茶味重奶香，但又唔會太甜。同時，酒味亦都欠奉，正正變得更加老少咸宜。呢個泰式奶茶Tiramisu絕對令我印象深刻，獨特新穎嘅奶茶味配合埋傳統濕濕綿綿嘅口感，好想一食再食啊🤤 。
總括嚟講，💃 Lady Nara內外兼備，食物出品同環境裝修都令人滿意，菜式嘅擺盤亦明顯有花上心思。以泰菜嚟講，佢可能係偏貴少少，但換個角度諗佢係西餐又好似OK👌，哈哈。即使佢定價高，但起碼畀足份量你，大大份，一定夠飽！
張貼
