影片
更多
2024-10-10
1389 瀏覽
一間餐廳無論有幾好食，但只要服務、態度有問題，就點都唔會再有第二次.......夜晚附近放工，一心諗住去試呢間 "好食" 既米線店，當時門口唔太多人等位，行入舖頭，先要經過一條小斜路。店員o係斜路既盡頭大駕你光臨，問完我幾多位，就叫我出去攞飛，要等等。我出返去門口，撳左飛就o係門口既右邊等，面向馬路。起初都企o係撳飛部機附近，但隨住越黎越多人攞飛，我就行開左去另一邊等，驚阻到人，但都係舖頭門口。等左大約10分鐘，見到有D比我遲黎既人竟然入左去，我就覺得奇怪，行去部機睇，原來已經過左3個號碼。我入去同職員講，我話完全聽唔到有叫號碼，店員第一句就話: 你唔應該行開, 要企o係門口等，下一張補返俾你。我由頭到尾都冇離開過舖頭門口，只係太多人攞飛，我先企埋一邊等。我出返去門口望實部機，發現部機係唔會讀出張飛號碼，只有一聲 "叮"就完。舖頭對住彌敦道，人聲、車聲，其實大家都知有幾嘈。加上，店員由頭到尾都冇出過門口叫號碼，單靠一下 "叮" ，真係會聽到? 仲要怪我行開左，所以miss左..........我叫左碗醉雞米線，加一客醉雞腎。米線同食評所講一樣，個湯好味，雞既部位都會有雞肶位，唔會全部都
夜晚附近放工，一心諗住去試呢間 "好食" 既米線店，當時門口唔太多人等位，行入舖頭，先要經過一條小斜路。店員o係斜路既盡頭大駕你光臨，問完我幾多位，就叫我出去攞飛，要等等。我出返去門口，撳左飛就o係門口既右邊等，面向馬路。起初都企o係撳飛部機附近，但隨住越黎越多人攞飛，我就行開左去另一邊等，驚阻到人，但都係舖頭門口。等左大約10分鐘，見到有D比我遲黎既人竟然入左去，我就覺得奇怪，行去部機睇，原來已經過左3個號碼。我入去同職員講，我話完全聽唔到有叫號碼，店員第一句就話: 你唔應該行開, 要企o係門口等，下一張補返俾你。
我由頭到尾都冇離開過舖頭門口，只係太多人攞飛，我先企埋一邊等。我出返去門口望實部機，發現部機係唔會讀出張飛號碼，只有一聲 "叮"就完。舖頭對住彌敦道，人聲、車聲，其實大家都知有幾嘈。加上，店員由頭到尾都冇出過門口叫號碼，單靠一下 "叮" ，真係會聽到?
仲要怪我行開左，所以miss左..........
我叫左碗醉雞米線，加一客醉雞腎。米線同食評所講一樣，個湯好味，雞既部位都會有雞肶位，唔會全部都係雞胸。但係醉雞腎就勁甜，唔知落左幾多糖，仲要$2X 得4小舊。
都係果句，無論幾好食，都唔會再有第二次。
張貼