味苑 (已結業)

我平時唔寫食評，不過今次真係要寫，個app load唔到幾次，而我要重打幾次都要寫。我哋有3個人，入面好多細空枱，但佢竟然安排我哋坐樓梯底。幫我哋落菜嘅男員工(應該係經理)態度極差，都唔想答我哋。同佢講唔好落菇類，佢就話個餸不嬲都冇菇。大佬，提你唔好落，你只需要回答：「係，呢個冇菇嘅」就可以了。真係想兜巴星佢。百幾蚊一碟淮山雲耳炒百合，竟然可以咁細碟。如果佢係做高級嘢，唔該擺靚啲啲餸。擺得唔靚都算，伴碟沙律菜係霉嘅，霉到黑同一pat pat咁。雲耳4片左右，百合可能數埋得十幾片非常非常細細片。我要淮山雲耳炒百合，佢用好多切到細細粒嘅bell peppers炒埋一齊，放在碟底，令到盤野睇落可能大碟啲(但都好細碟)。睇圖就知啲沙律菜唔食得。第二碟係士多啤梨骨。啲伴碟菜一樣是黑邊的。第三碟脆皮豬手。呢碟比較好，但我哋一早就問咗佢係唔係真係脆，男員工完全在應與唔應之間(即是有點反白眼、有應好似冇應咁輕微點頭)，但係碟豬手黎到淨係有一點點點脆。結論係唔會再入黎第二次。coupon唔洗俾我哋喇，多謝。佢哋嘅態度決定咗佢哋嘅。。。食完3百幾落樓都唔知食咗啲乜。