船仔 (京瑞廣場) (已結業)

今次同朋友一齊去試吓任食船麵！任食包括有迷你船麵、串燒、沙律同汽水💁🏽‍♂️呢個價錢嚟講預咗質素唔會好高 但冇諗過佢做得咁Hea😟剛到既時候職員處理緊攞月餅 咁我哋就係門口等 但等左一段時間都好似想唔理我哋咁😂-第一輪Order串燒有啲乾 沙嗲醬👌🏻既 串燒味道還好！而沙律個底係有檬粉 分量都唔少 感覺似食多碗迷你粉麵！迷你船麵 呢輪個麵底份量正常 至於湯底偏淡 而個炸豬皮好韌 感覺似封塵好耐咁！因為講明係迷你 預咗好似試食咁 配料係少/細粒 預幾啖就食完！-食完叫第二輪 睇落船麵個麵底多咗啲 以為自己錯覺！至於串燒就好L鹹 食完一串已經唔想食既Feel！但到第三輪 船麵好明顯係超多麵！佢配料唔多所以好覺眼 感覺係兩三個麵底放落去😐想塞飽你個肚咁 湯底都越嚟越無味！-其實如果唔想整任食不如CUT左佢 我哋每次都係3碗咁叫 叫到第三次就見到咁 成Pat麵都叫迷你？都係埋單走人🙈反而就咁正常一碗望落好有心機整 有早知就唔任食啦😂信左網上有人介紹任食🙊