黑木亭居酒屋 (清風街) (已結業)

我想講啱啱入到舖頭嘅時候，坐低冇耐聞到一浸好古怪嘅味(疑似大麻),唔知係咪廚房傳出嚟，樓面個哥哥仔即刻同我講話要開大個冷氣。之後有個阿姐係咁問每一台邊個嗌咗沙律醬，連我自己都見到係邊一台嗌，我心諗醒未啊，佢嚟到嘅時候我直頭同佢講邊一台嗌咗沙律醬叫佢行去嗰邊。之後嗌晒嘢食嚟到…哇，壽司郎都好味過佢，啲串燒可以但係超級鹹，平時都會影相打卡，今晚完全一張相我都唔想影。都係嗰句啦，食咗$1500都唔知自己食咗啲乜嘢？下次都係唔好俾我男朋友亂咁book啲咁嘅餐廳同我食，食到成套氣！