J-Dog (已結業)

見佢開左好耐，今日終於有時間試下，撞正下午茶時間，就試下啲慳錢選擇。選擇不多，5選1揀左個牛奶炒蛋漢堡扒熱狗+熱綠茶，25蚊。個包，似係嘉頓貨，烘左有少少少少脆，不過好快就比啲茄汁整淋左。啲蛋幾滑，夠熱，不過冇奶味又冇蛋味。塊漢堡扒，好似麥當當嘅豬柳，浸淋左版。杯綠茶，只係杯綠色嘅滾水。攞命嘅係，有幾隻蚊滋勁追住我個包，我唔係肚餓嘅幾乎想棄包潛逃。極速吞晒個包，啲蚊都唔願走，黐住張包紙，我終於擺低杯綠滾水，閃！以後都唔再黎！