The Poké Co (已結業)

見係上環開左間新既poke 鋪，一直都好期待去試下。不過期望愈大失望愈大。第一次去就試左佢地既sushi roll，叫左個salmon pokerrito, 98蚊，製作十分求其，卷得太鬆散，一食既時候啲飯同料就跌哂出黎，餡料份量少得可憐，男人未必夠食，沙津菜仲要係霉既，又冇調味，求求其其放左啲菜係個底就算數。咁既價錢不如真係正正經經去食個魚生飯都冇咁嬲。同外國既sushi roll 比真係蚊脾同牛脾。除左店員係幾友善親切之外，呢間野真係好唔掂。