影片
更多
2021-07-01
261 瀏覽
本身我哋特登去第一城去食果間餐廳裝修緊，咁都要搵嘢食㗎，咪周圍搵吓囉。行過見到呢間平平哋又有咖啡又有all day食，應該唔會差得去邊卦！我哋就入咗去搵位擺低咗啲野先啦。我果陣都覺得間野伏伏地架啦。個冷氣出嘅風仲暖過我屋企把風扇！落單嘅過程幾順利嘅，但係唔多覺佢哋好想做我哋生意。坐低一陣，杯野飲好快到咗，個侍應講都唔講聲，就一野將杯熱cappuccino 「隊」埋嚟…我嚇咗一嚇！嘩！杯熱cappuccino 難飲！杯凍咖啡更難飲（稀到呢）！等咗20幾分鐘，兩個all day breakfast先到。賣相好似唔錯嘅， 一食先知呢一個all day係「非一般」！啲嘢食多次發現有發泡膠粒、沙律菜唔新鮮、煙肉薯餅好油、隻煎蛋凍嘅（得個蛋黃暖暖地）。唉！我哋唔會再去呢度！完～
我果陣都覺得間野伏伏地架啦。個冷氣出嘅風仲暖過我屋企把風扇！
落單嘅過程幾順利嘅，但係唔多覺佢哋好想做我哋生意。
坐低一陣，杯野飲好快到咗，個侍應講都唔講聲，就一野將杯熱cappuccino 「隊」埋嚟…我嚇咗一嚇！
嘩！杯熱cappuccino 難飲！杯凍咖啡更難飲（稀到呢）！等咗20幾分鐘，兩個all day breakfast先到。賣相好似唔錯嘅， 一食先知呢一個all day係「非一般」！啲嘢食多次發現有發泡膠粒、沙律菜唔新鮮、煙肉薯餅好油、隻煎蛋凍嘅（得個蛋黃暖暖地）。唉！我哋唔會再去呢度！完～
張貼