貝爾特酒廊 (裝修中)

之前聽朋友講黎呢度幫襯過佢個復活節semi-buffet brunch, d評價幾唔錯，諗住揾日黎試下。咁岩黎附近做野，所以就黎試下佢個lunch。入到間餐廳，環境都幾舒服，個waiter 都好過快黎招呼我坐低。有lunch set 可以叫，而且價錢都幾合理，佢地仲話優惠期間叫set送埋甜品。最後order左個香辣蒜片牛肉粒意粉，果然冇令我失望。意粉辣辣地好惹味，牛肉煎得幾香而且唔會過老，我幾鐘意。甜品我就簡左朱古力慕絲蛋糕，朱古力味好濃，食得出係落足料做，不過就唔記得影相。埋單用credit card俾有85折，都算抵食。臨走前佢地同我講話黎緊5月會推出母親節semi-buffet dinner, 如果有機會都想試下。