鳳城酒家

營業中

休息中

好耐都未嚟過鳳城酒樓食點心，今日晨運後經過鳳城酒樓，兩個人上去飲早茶，早茶特價時間只要11點前落單就可以，冇規定幾多點離座。特價時段大點$30 ，中點$23 ，小點$20。兩個人唔敢叫太多，只係叫咗三碟，因為佢的點心都幾大件。嗌咗個山竹牛肉，好多腐竹，牛肉嘅口感唔錯，又叫咗個蝦米煎腸粉，煎得好香脆，加埋啲甜醬麻醬甜豉油，又多蝦米有多蔥，對煎腸粉非常之滿意。隻糯米雞真係超大隻，仲有大大隻蝦、叉燒、豬肉、臘腸在裏面，幾juicy，啲糯米唔會蒸到淋啤啤，傳統又好食。